Herodotus, The Histories (XML Header) [genre: prose] [word count] [lemma count] [Hdt.]. | ||
<<Hdt. 7.127.1 | Hdt. 7.128.2 (English) | >>Hdt. 7.129.4 |
7.128.1
Ξέρξης δὲ ὁρέων ἐκ τῆς Θέρμης ὄρεα τὰ Θεσσαλικά , τόν τε Ὄλυμπον καὶ τὴν Ὄσσαν , μεγάθεΐ τε ὑπερμήκεα ἐόντα , διὰ μέσου τε αὐτῶν αὐλῶνα στεινὸν πυνθανόμενος εἶναι διʼ οὗ ῥέει ὁ Πηνειός , ἀκούων τε ταύτῃ εἶναι ὁδὸν ἐς Θεσσαλίην φέρουσαν , ἐπεθύμησε πλώσας θεήσασθαι τὴν ἐκβολὴν τοῦ Πηνειοῦ , ὅτι τὴν ἄνω ὁδὸν ἔμελλε ἐλᾶν διὰ Μακεδόνων τῶν κατύπερθε οἰκημένων ἔστε Περραιβοὺς παρὰ Γόννον πόλιν · ταύτῃ γὰρ ἀσφαλέστατον ἐπυνθάνετο εἶναι .
7.128.2 ὡς δὲ ἐπεθύμησε , καὶ ἐποίεε ταῦτα · ἐσβὰς ἐς Σιδωνίην νέα , ἐς τήν περ ἐσέβαινε αἰεὶ ὅκως τι ἐθέλοι τοιοῦτο ποιῆσαι , ἀνέδεξε σημήιον καὶ τοῖσι ἄλλοισι ἀνάγεσθαι , καταλιπὼν αὐτοῦ τὸν πεζὸν στρατόν . ἐπεὶ δὲ ἀπίκετο καὶ ἐθεήσατο Ξέρξης τὴν ἐκβολὴν τοῦ Πηνειοῦ , ἐν θώματι μεγάλῳ ἐνέσχετο , καλέσας δὲ τοὺς κατηγεμόνας τῆς ὁδοῦ εἴρετο εἰ τὸν ποταμὸν ἐστὶ παρατρέψαντα ἑτέρῃ ἐς θάλασσαν ἐξαγαγεῖν .
ch. 129
7.129.1
Herodotus, The Histories (XML Header) [genre: prose] [word count] [lemma count] [Hdt.]. | ||
<<Hdt. 7.127.1 | Hdt. 7.128.2 (English) | >>Hdt. 7.129.4 |